“Umumrespublika ‘Eko-madaniyat’ loyihasi doirasida ekologik ta’lim, ilm-fan va xabardorlikni jadallashtirish bo‘yicha kompleks chora-tadbirlar to‘g‘risida”

Ushbu qarorga muvofiq, 14 ta “green” texnik kollejlari Markaziy Osiyo Atrof-muhit va iqlim o‘zgarishi universitetiga (Green University) biriktirilgan.

Universitetda birinchi kursda o‘qitiladigan ixtisoslashtirilgan fanlar “green” texnik kollejlari ikkinchi kurs o‘quv dasturiga maxsus kurslar sifatida joriy etiladi.

“Green” texnik kollejlari bitiruvchilari, agar ular o‘qishni muvaffaqiyatli tamomlab, kamida B2 darajadagi ingliz tilini bilish darajasiga ega bo‘lsalar, o‘zlashtirish ko‘rsatkichlari (GPA) asosida bakalavriat bosqichining ikkinchi kursidan ta’limni davom ettirish huquqiga ega bo‘ladilar.

• Birinchi yilda — 50% nazariy va 50% amaliy tayyorgarlik
• Ikkinchi yilda — 30% nazariy va 70% amaliy tayyorgarlik

“Green” texnik kollejlari turli hududlarda tashkil etilgan botanika va dendrologiya bog‘lariga biriktirilgan holda belgilanadi.

“Green” texnik kollejlari talabalari uchun amaliy tayyorgarlik Ekologiya qo‘mitasi va Fanlar akademiyasi tizimida quyidagi yo‘nalishlarda tashkil etiladi:

• O‘rmon xo‘jaliklari
• Gidrometeorologik stansiyalar
• Muhofaza etiladigan tabiiy hududlar
• Chiqindilarni utilizatsiya qilish poligonlari
• Botanika va dendrologiya bog‘lari
• Hayvonot bog‘lari
• Botanika va Zoologiya institutlarining amaliyot bazalari